ຂໍ້ຕົກລົງສະບັບນີ້ມີເນື້ອໃນສຳຄັນດັ່ງນີ້:

• ໂຮງງານທີ່ມີຄວາມສ່ຽງດ້ານສິ່ງແວດລ້ອມ ລະດັບສູງ ແລະ ກາງ ຕ້ອງສ້າງຕັ້ງ ໜ່ວຍງານຄຸ້ມຄອງສິ່ງແວດລ້ອມ ແລະ ຄວາມປອດໄພ ປະຈຳໂຮງງານ (Click ເພື່ອເບີ່ງລາຍລະອຽດລະດັບຄວາມສ່ຽງຜົນກະທົບດ້ານສິ່ງແວດລ້ອມ ຂອງໂຮງງານອຸດສາຫະກຳປຸງແຕ່ງ)
• ໜ່ວຍງານຄຸ້ມຄອງສິ່ງແວດລ້ອມ ແລະ ຄວາມປອດໄພ ປະຈຳໂຮງງານ ປະກອບດ້ວຍ:
  1. ຄະນະອຳນວຍການຂອງໂຮງງານອຸດສາຫະກຳປຸງແຕ່ງ ເປັນຫົວໜ້າໜ່ວຍງານ
  2. ພະນັກງານຄຸ້ມຄອງສິ່ງແວດລ້ອມ ແລະ ຄວາມປອດໄພປະຈຳໂຮງງານ ຕ້ອງມີຢ່າງໜ້ອຍ 2 ຄົນ ຂື້ນໄປ (ໃນນັ້ນຕ້ອງມີ 1 ຄົນຂື້ນໄປ ທີ່ໄດ້ຜ່ານການຝຶກອົບຮົມ ແລະ ໄດ້ຮັບການຢັ້ງຢືນເປັນ ຜູ້ຮັບຜິດຊອບຄຸ້ມຄອງສິ່ງແວດລ້ອມ ແລະ ຄວາມປອດໄພ ປະຈຳໂຮງງານ ຈາກກົມອຸດສະຫະກຳ, ກະຊວງອຸດສາຫະກຳ ແລະ ການຄ້າ)
• ກົມອຸດສາຫະກຳຈະດຳເນີນການຈັດຝຶກອົບຮົມຢ່າງໜ້ອຍ 1 ຄັ້ງຕໍ່ປີ
• ພາຍຫຼັງສຳເລັດການຝຶກອົບຮົມ ຈະມີການສອບເສັງວັດລະດັບ ແລະ ຕ້ອງຜ່ານລະດັບຄາດໝາຍທີ່ກຳນົດໄວ້ ຈື່ງໄດ້ຮັບໃບຢັ້ງຢືນເປັນຜູ້ຮັບຜິດຊອບຄຸ້ມຄອງສິ່ງແວດລ້ອມ ແລະ ຄວາມປອດໄພ ປະຈຳໂຮງງານ
•  ໃບຢັ້ງຢືນເປັນ ຜູ້ຮັບຜິດຊອບຄຸ້ມຄອງສິ່ງແວດລ້ອມ ແລະ ຄວາມປອດໄພ ປະຈຳໂຮງງານ ມີອາຍຸນຳໃຊ້ 5 ປີ (ພາຍຫຼັງໝົດອາຍຸນຳໃຊ້ຈະໄດ້ລົງທະບຽນ, ຝຶກອົບຮົມ ແລະ ສອບເສັງຄືນໃໝ່)